RAD KOJI SE ISPLATIO

45. reli u Finskoj, od 26. do 29. jula

RAD KOJI SE ISPLATIO

Već koncentrisan na sledeću sezonu, Citroën Total Abu Dhabi WRT je vidio da je njegov izbor nagrađen drugim mjestom koji je osvojio Mads Estberg, koji je vozio kao u najboljim danima. Ovo je treće osvajanje podijuma u sezoni, posle drugog i trećeg mjesta u Švedskoj i Meksiku, što potvrđuje veoma visoki nivo performansi C3 WRC-a.

FILM O TRCI

Sa četiri apsolutne pobjede (2008., 2011., 2012., 2016.), već osvojene u hramu brzina, koji zahtijeva precizna podešavanja vozila u koje vozači imaju povjerenje, Crveni su dokazali svoju vrijednost na ovom netipičnom terenu. I ovo izdanje iz 2018. nije odstupilo od pravila! Već od shakedown-a, Mads Estberg, ubijeđen da upravlja najboljim autom za ove staze (a trinaest puta je učestvovao!), usmjerio se prema vodećim pozicijama; poput sjenke, pratio ga je Kreg Brin. Dokaz da, definitivno, treba računati na njih ovog vikenda. Već od ES 2, Norvežanin je pikirao drugo mjesto, vodeći je bio u ES 4, zahvaljujući prvom scratch-u. Sa dva nova najbolja vremena tokom popodneva, on će upravljati tokom četiri brzinska ispita prije nego što zaključi prvu etapu na drugom mjestu, na samo 5’’8 od Tanake, novog pobjednika. Kreg Brinu je, nažalost, pukla guma (ES 2), zbog čega nije mogao da osvoji prva mjesta, i zbog čega, kasnije, nije imao koristi od pozicije na startu koji je interesantan na terenu koji ima bolje prianjanje nakon većeg broja prolazaka. Ali čim su mu uslovi bili odgovarajući, Irac je koristio svaku priliku da se istakne, o čemu svjedoči scratch osvojen u ES8, kao i performanse realizovane u Power Stage-u (+1’’7 samo u 11,12 km). U finalu je bio na osmom mjestu. Na svom drugom učešću ove godine, posle Argentine, Khalid Al Kasim je, zbog greške, svoju trku završio u subotu ujutro. A za to vrijeme, Mads Estberg je nastavio napredovanje opirući se napadima Jari-Mati Latvala, koji je bivši trostruki pobjednik trke, i sačuvao je 5’’4 prednosti, iako je morao da uzme dodatni rezervni točak. Novo najbolje vrijeme, četvrto za vikend, koje je ostvario ovaj tridesetogodišnji Skandinavac koji nije ostavljao nikakvu sumnju u njegovu namjeru: do kraja se suprostavljao Latvali, kako bi, sa ovim drugim mjestom, ostvario svoj najbolji rezultat na ovom legendarnom reliju, poslije dva treća mjesta (2013. i 2015.).